All for Joomla All for Webmasters

Tədbirlər

Bizim tədbir silsilələrimiz

Data4Impact

Data rəqamsal qızıldır. Sürətli inkişaf edən həyatımızda böyük rol oynayan data mübadiləsi həyatımızı dəyişən ən əsas faktorlardan biridir. Bu tədbir silsiləsi data təhlili, vizualizasiya və data əsasında hekayə danışılmasını əhatə edəcək. Bundan əlavə, bizlərə data yığılmasının vacibliyini, yeni data növləri və bu sahədə olan dəyişiklikləri bizim ilə bölüşəcək. BU tədbir silsiləsində dövlət qurumları, qeyri-hökumət təşkilatları, universitetlər və özəl şirkətlərdəki data professionalları biliklərini və ən son yenilikləri bir araya gətirəcək.

Elm Havaları

Elmi kəşflər və yeniliklər həyatımızın dəyişməsində böyük rola malikdir. Bu yeniliklərdən xəbərdar olmaq isə daha da maraqlıdır. İctimai mühazirə seriyası mütəxəssis və alimlər tərəfindən təqdim olunacaq və elmdəki ən son yeniliklər barədə xəbər verəcək. Bu yeniliklərin həyatımıza necə təsir edəcəyi və onların əsas məqsədlərini bizim ilə bölüşəcəklər. Bundan əlavə onlar,  üzərində işlədikləri  akademik araşdırmalara  dair təqdimat edəcəklər.

SDG Talks

Dayanıqlı inkişaf məqsədləri barəsində olan bu mühazirə sessiyamızda 17 məqsəd üzrə fəaliyyət göstərən mütəxəssislər öz işlərini bizim ilə bölüşəcək. Bu təşəbbüsümüzün məqsədi, əhali arasında dayanıqlı inkişaf məqsədlərinin aşılanması və insanların bu məsələlərə cəlb olunmasıdır. 2015-ci ilin sentyabrında, BMT tərəfindən qəbul olunmuş, hər kəsi əhatə edən və universal xarakter daşıyan bu yeni Məqsədlər fonunda, qarşıdakı on beş il ərzində ölkələr “heç kəsi kənarda qoymamaq” prinsipini rəhbər tutaraq, yoxsulluğun bütün formalarına son qoymaq, bərabərsizliklərə qarşı tədbirlər görmək və iqlim dəyişikliyi ilə mübarizə aparmaq məqsədilə bütün səylərini səfərbər edirlər.

Build the future

Memarlıq cəmiyyətdə baş verən sosial və iqtisadi prossesi əks etdirən, kimliyini formalaşdıran əsas elementlərdən biridir. Tarix boyu böyük şəhərlər və ölkələr öz memarlıq nəaliyyətləri  vasitəsilə bir-biri ilə yarışmışlar. İctimai mühazirələr silsiləsində şəhərin fiziki infrastrukturunun əhəmiyyətli tərəfi və potensial inkişafı haqqında danışılacaq. Bu tədbir silsiləsi bizə, ölkəmizin şəhər infrastrukturunun illər ərzində necə dəyişdiyini anlamaqda, hal-hazırdakı vəziyyəti ilə tanış olmaqda və  onu, gələcəkdə daha yaxşı necə dəyişə biləcəyimiz barədə məlumat almaqda bizə yardımçı olacaq.

Visual features

Ətrafımızda nələr baş verir? Ölkəmizdəki incəsənətin yenilikləri dayanmaq bilmir. Yalnız bu yeniliklərdən xəbərdar olmaq üçün mənbələrimiz elə də çox deyil. Bu tədbir silsiləsində yaradıcılığın insanlara çatdırılması nəzərdə tutulub.  Fotoqraf və rəssamların portfoliolarına baxış, vizual jurnalistik esselər, rejissorlarla müzakirələr, vizual sənət üzrə mühazirələr müəlliflərlə ictimaiyyəti bir araya gətiriləcək.

Tuk-Tuk

Çox gəzən, çox bilər. Çox gəzmiş insanlardan isə yeni məlumatın əldə olunması  bir başqa gözəldir.  Bu davamlı tədbir silsiləsində Bakıda qonaq olan fərqli sahələrdən olan mütəxəssislər öz maraqlı və faydalı biliklərini ictimaiyyət ilə bölüşəcəklər.

Bizim tədbir təqviminə nəzər salın

Baku IdeaLabdan kənar tədbiriniz var? Təqvimimiz vasitəsi ilə tədbiriniz haqqında məlumatı paylaşın!

Baku IdeaLab tədbiriniz haqqında məlumatı paylaşmağa hazırdır:

Əgər Bakıda müsbət dəyişiklik yaradan gənclərin təşşəbüsünüzsə

Tədbiriniz üç sahədən birinə uyğundur: Araşdırma, Şəhər və ya Dialoq

Bu formu doldurun və biz sizin tədbiri təqvimiz və Facebook səhifəmizə əlavə edəcəyik.

Qeyd: Baku IdeaLab üzv və üçüncü tərəflərin tədbirlərinin kontentinə görə məsuliyyət daşımır.